Footer

3 illegal loggers, natiliw

PUGO, La Union – Tallo a lallaki ti inaresto ti Regional
Mobile Group kalpasan a nasalamaanda nga agbumbunag iti napukan a
kayo iti las-ud ti maysa a reforestation project ti gobierno ditoy
nga ili.







Naapput da Rufino Balting, residente ti Tuba, Benguet,
Sonny Bentres ken Reynaldo Alanggas, agpada a residente iti Barangay
Ambangonan ditoy nga agikarkarga kadagiti naririt a kayo iti maysa a
trak idi malem ti Disiembre 16 iti las-ud ti Dacanay Reforestation
Project a proyekto ti gobierno.

Kinumpiska ti Department of Environment and Natural
Resources (DENR) dagiti kayo a mapattapatta a nasurok a 1,320 board
feet nga agpateg iti P33,145.00.

Maisagsaganan
ti kaso a maikontra kadagiti suspetsa.#