Footer

BANNER NEWS: Vigan City employees, agsueldodanton babaen ti e-payroll system iti Land Bank

VIGAN CITY – Agsueldonton dagiti empleado ditoy siudad
iti babaen ti automated teller machine (ATM) E-payroll system iti
Land Bank of the Philippines.







Kinuna ni Vice Mayor Franz Ranches nga inaprobaran
dagiti turayen ti LBP ti pannakaipasdek ti ATM iti city hall ditoy
tapno ditoyen ti pangiyaonan dagiti empleado ti siudad iti sueldoda.

Kanaig daytoy, mangipasa ti konseho ditoy iti resolusion
a mangited ken ni Mayor Eva Marie S. Medina iti otoridad a sumrek iti
memorandum of agreement iti LBP para iti pannakaipasdedk ti ATM iti
city hall ken iti panagsueldo dagiti empleado iti babaen ti E-payroll
system iti babaen ti operasion ti LBP.

Napintas la unay a benepisio daytoy,” kinuna ti
bise mayor sana innayon a “very convenient ta kasla addanton bangko
iti uneg ti Vigan City government iti babaen ti ATM.

Sabali pay a resolusion ti impasa ti konseho a mangted
iti otorisasion ken ni Mayor Medina para iti agtuloy a panangupa ti
siudad iti bakante a lote iti amianan ti provincial capitol.

Ar-aramaten ti siudad ti nasao a lote a pagparkingan
dagiti bus ken dadduma pay a lugan dagiti turista nga agpasiar iti
siudad.

Tinawen ti kontrata a panangupa ti city government iti
nasao a lote.

Segun ken ni Mayor Medina, agup-upa ti city government
iti LBP iti P10,000 iti makabulan ngem babaen ti pannakinegosiar ni
dati a Mayor Ferdinand Medina, kaingungot ti mayora, napagbalin laeng
a P7,500 ti upa iti binulan.

Kabayatanna, kinuna ni Ranches nga iti pannakaipasdek ti
ATM, “maengganio ti maysa nga empleado nga ag-save ta “saanna
met nga itulok ngata a mazero ti ATMna”.

Kinunana a mismo a ti empleado ti adda accessna iti
sueldona ken saanton a pumila iti treasury nga agsueldo, pumilanto
laengen iti ATM sana inyunay-unay a mas convenient ken mas accessible
ti kaadda ti ATM iti city hall.#