Footer

Baro a munisipio ti San Juan, maipasdek

SAN JUAN, Ilocos Sur – Naangay ti groundbreaking ti
maipasdek a baro a balay daytoy nga ili idi Disiembre 15 kagiddan ti
panagkasangay ni Mayor Benjamin Sarmiento.







Kadua ti mayor ni Gov. Deogracias Victor “DV”
Savellano, dagiti opisial ti ili ken department heads ti munisipio a
nangipisok iti capsule iti abut a pakaipuestuan ti maysa kadagiti
adigi ti maaramid a munisipio nga agpateg iti P47 milion.

Kinuna ni Sarmiento a panawenen a maipasdek ti baro a
munisipio ita ta kabaelanda pay ti presio dagiti kasapulan a
materiales.

Mabangon ti pasdek iti dati a nagsaadan ti daan a
tiendaan ti ili.

Idawatko ti panagan-anus koma pay laeng dagiti
kakailiak no medio addanto dagiti pagkamtudak kadagiti dawatda para
iti barbarangayda ta no ibayagtayo pay ti pannakaipasdek daytoy
amangan no saantayton a kabaelan ti presio dagiti materiales,”
kinuna pay ti mayor.

Inkari ni Savellano ti panangilatangna iti P1 milion
kas tulong ti gobierno probinsial para iti mabangon a municipal
building.

Kabayatanna, malmalpas metten ti P9 milion ti pategna a
gymnasium a nagsaad iti likudan ti maipatakder a munisipio.

Plano ni Sarmiento a pagbalinen a
rehabilitation center ti umuna a kadsaaran ti agdama a municipal hall
idinto a pagsaadanto ti korte ti maikadua a kadsaaran.#

Comments are closed.