Footer

Diputado iti Hawaii, dinayawna kinamanagsangaili dagiti taga-San Esteban

SAN ESTEBAN, Ilocos Sur – Dinayaw ti diputado iti Hawaii
ti kinamanagsangaili dagiti agnaed ditoy iti ibibisitana iti daytoy
nga ili itay nabiit.







Bimmisita ni Hawaii State Representative John Mizuno iti
San Esteban bayat ti pannakaisayangkat ti Aloha Medical Mission a
naigiddan iti panagpiesta daytoy nga ili.

Maysa a gannuat a panangipaay iti libre a serbisio
medikal ken agas kadagiti residente ditoy ti Aloha Medical Mission
babaen ti panangidaulo ni Dr. Ben Galindo, maysa nga anak ti Ilocos
Sur.

Iti interbio kenkuana ti DZTP Radio Tirad Pass, kinuna
ni Mizuno a magustuanna ti yaayna iti San Esteban, Ilocos Sur gapu
iti nabara a panangpasangbay kenkuana dagiti lumugar.

Maysa a Filipina ti asawa ni Mizuno. Daytoy ti umuna a
gundaway a bumisita iti Ilocandia.

Kabayatanna, kinuna ni Mayor Elaydo iti interbio
kenkuana a maysa a balligi ti Aloha Medical Mission agsipud ta adu ti
nakipartisipar iti daytoy a programa a naggapu iti Hawaii, Mainland
USA ken dadduma pay a pagilian.

Malaksid kadagiti agas ken medical
check-up, adda pay dagiti naiparipa a doliar kadagiti umili a
nagatendar iti medical mission manipud iti $10 agingga iti $100.#

Comments are closed.