Footer

Lolo thunder, bawang, dadduma pay a napipigsa a paputok, imparit ti DoH

MANILA -Sumagmamano nga aldaw sakbay ti isa-sangbay ti
baro a tawen, inwaragawag ti Department of Health dagiti maiparit a
paputok idinto a pinalagipanna dagiti tattao iti saanda nga igagatang
kadagitoy tapno maiyadayoda iti disgrasia.







Karaman kadagiti maiparit a paputok ti lolo thunder,
bawang, pla-pla, super lolo, watusi, giant whistle, atomic bomb,
Judas belt, picollo ken dadduma pay a nabibileg a paputok.

Kanaig daytoy, impatalged ni Department of Health
Secretary Duque a nakasa-ganan dagiti ospital ken adda umdas a
medical supplies para kadagiti agbalin a biktima dagiti paputok iti
isasangbay ti Baro a Tawen.

Kinuna ni Duque a bimmaba iti nasurok a 58% dagiti
biktima iti paputok iti kalkalpas a Paskua gapu iti kampania ti
opisinana ken iti kapolisan a naing-inget a panangmonitor kadagiti
aglabsing nga agpa-putok kadagiti maiparit a napipigsa a rebentador.

Segun iti rekord ti DOH, adda laeng kadagupan a 55 a
nailista a biktima ti paputok.

Kaaduan kadagiti biktima ti nagpaputok iti piccolo nga
agdagup iti 8.

Sumaruno ti kuitis a kaad-duan a nakadundonoran dagiti
nagpaputok.

Kabayatanna, imbilin ti Departtment of Interior and
Local Government ti panangi-pasdek dagiti local government units iti
firecracker zones iti hurisdiksionda tapno malap-dan ti ad-adu a
bilang dagiti agbalin a biktima ti paputok iti isasangbay ti Baro a
Tawen.

Ngem indagadag ni Duque ti saanen a panagpabettak dagiti
umili iti paputok tapno saanda a madangran iti panangsabatda iti Baro
a Tawen.#

Comments are closed.