Footer

Nagapuanan dagiti konsehal iti lehislasion, nangatngato ngem kadawyan: bise mayor

VIGAN CITY – Iti biang ti bise mayor ditoy siudad,
nangatngato ngem kadawyan ti pakarukodan ti nagapuanan ti sibubukel a
Konseho.







Above average,” insungbat ni Vice Mayor Franz
Ranches idi saludsoden kenkuana ni Jun Ramos, anchorman ti programa a
“Konseho ti Vigan” a pag-host-an ni Ranches, no kontento iti
nagapuanan dagiti konsehal iti uneg ti makatawen a panagpartuatda iti
linteg.

Kinuna ni Ranches a kas presiding officer, nangatngato
koma pay ti level of contentmentna agsipud ta mamati nga ad-adu koma
pay ti nagapuanan ti konseho.

Inannugot ni Ranches nga adda dagiti konsehal nga adu
dagiti gakat nga inaramidda ngem inyunay-unayna a kitaenna nga adda
pagkabalanse ti kantidad ken kalidad dagiti lehislasion.

Kinuna ti bise mayor nga agsipud ta nakabase iti data,
mangabak (latta) ti konsehal a kaadduan iti gakat, ngem “saan met
laeng a nakabatay iti kantidad no di pay iti kalidad ken maikonsidera
dagiti sabali pay a banag” ti pannakarukod ti scale ti performance
ti maysa a konsehal.

Ipantayon nga above average,” kinuna ni Ranches
mainaig iti performance dagiti konsehal idinto nga innayonna nga iti
level of contentment, “kayattayo nga ad-adu pay ti nagapuanan ti
konseho iti panagaramidan iti lehislasion.”

Mamatiak nga ad-adu koma pay ti mabalin (lehislasion)
a naaramid ken “iyad-adumi koma dagiti innovative measures” a
saan laeng a “copy-edit-paste” dagiti gakat a maisubmite iti
konseho.

Kinuna ti bise mayor a “saan koma nga agpatingga a
makopia lattan dagiti nalpasen a linteg a naipasa kadagiti sabali a
lugar, iyadaptarda iti lokal a situasion ket nalpasen.”

Napimpintas koma no maengganiokami kadagiti
innovative pieces of legislation nga adda anagna iti day-to-day life
dagiti taga-Vigan,” kinuna ti bise mayor sana innayon a “sapay
koma ta dikami maawanan kadagiti innovative ideas iti konseho.”

Manamnama a mairuar ti legislative report iti
nagtengngaan ti umuna a bulan ti 2009.#

Comments are closed.