Footer

Pagadalan, pinaskua dagiti mannanakaw

NARVACAN, Ilocos Sur -Nasapa a pinaskua dagiti
mannanakaw ti maysa a pagadalan ditoy.







Natakawan iti maysa a computer set ti Narvacan North
Central School, daytoy ti pulong ni Prinsipal Arsenio Bernal iti
polis ditoy.

Segun iti inbestigasion, nagna ti mannanakaw iti likudan
ti opisina ti prinsipal babaen ti panangikkatna iti innem a sarming
ket intarayna ti CPU nga agpateg iti P18,000, LCD monitor nga agpateg
iti P8,000 ken colored printer ken P100 a kuarta.

Madama ti inbestigasion mainaig iti nasao a
panagtakaw.#