Footer

Traysikel, dinungparna poste; 1 natay, 2 nasugatan

BANTAY, Ilocos Sur – Natay ti maysa a lalaki ken nakaro
a nadunor ti dua a kakaduana kalpasan a dinungpar ti traysikelda ti
maysa a poste iti igid ti national highway a sakup ti Barangay
Balaleng ditoy.







Saanen a naidanon iti ospital ti biag ni Marcelino Ipac
Tangonan, 36, taga-Cabulalaan,Sinait Ilocos Sur idinto a nasugatan
dagiti kaduana a da Aristotle Cagujas, 26, ken ti drayber ti
traysikel a ni Allan Paul, 36, agpada a residente iti Barangay 9,
Vigan City.

Segun iti report, agturong dagiti tallo iti Sinait,
Ilocos Sur ngem idi makadanonda iti Barangay Balaleng, mapapati a
saan a nakontrol ni Allan Paul ti manibela a puon ti nangdungparan ti
luganda iti poste.

Mapapati
a nakainom dagiti biktima idi mapasamak ti aksidente.#