Footer

5 nagpaskua iti ospital gapu iti aksidente

SANTA MARIA, Ilocos Sur – Uppat a
tattao ti nakipaskua iti ospital gapu iti aksidente a napasamak iti
Candon City ken daytoy nga ili.







Nasugatan da Jefferson Cabreros,
20, ken Lorena Cabreros, 24, agpada a residente iti San Antonio,
Narvacan, ken ni Rodrigo Dumot, 20, residente iti Suso, Sta. Maria,
Ilocos Sur idi naikras ti motorsiklo iti kalsada nasional a sakup
ti Barangay Poblacion Norte, Santa Maria, Ilocos Sur ket naitarayda
iti Reyes Clinic and Hospital.

Kabayatanna,
nayospital met da Arnold Gacusan ken Redel Gamotea, agpada a
residente iti Langlangca 2
nd,
Candon City kalpasan a naikrasda iti Barangay San Juan, Candon City.

Iti inisial nga inbestigasion
dagiti pannakabagi ti linteg, nakalugan dagiti dua iti XRM nga addaan
plaka OL-7138 a minaneho ni Gacusan ket makadanonda iti sanguanan ti
Candon City library, di nakontrol ni Gacusan ti manibela a nagresulta
ti panakatuangda.

Naitarayda dagiti dua iti Candon
City Hospital para iti panakaagasda.

Mapapati
a nakainom iti arak ti drayber.#

Comments are closed.