SANTIAGO, Ilocos Sur – Natakawan
ti maysa a baket nga agnaed iti Barangay Olo-olo Norte ditoy ket ti
katulongda ti suspetsana a nagtakaw.

Nagpulong ni Epifania Ellorin
Escritor, 80, residente iti nadakamat a barangay a napukaw dagiti
alahasna ket intudona a suspetsa ni Marilyn Borillo, katulongda, ken
residente iti Cervantes, Ilocos Sur.

Segun iti biktima, binilinna ti
katulonganda nga isimpana dagiti alikamenna sakbay a rimmuar a napan
nakimisa.

Idi
agsubli ti biktima, naduktalanna nga awanen ti jewelry box a
naggianan dagiti alahas na ken awan metten ti katulonganda.#