Footer

Lalaki a nakadungpar, nabagsol

SANTIAGO, Ilocos Sur – Nabagsol ti
maysa a lalaki gapu laeng iti aksidente a pannakadungparna iti
suspek bayat ti panagpasiarna iti pagkarnabalan ditoy.







Nabigbig ti biktima a ni Elpidio
Garcia, 28, residente iti Olo-olo Norte, Santiago, Ilocos Sur idinto
a nainaganan ti suspetsa a ni Benjie Echalar, residente iti Bigbiga
iti daytoy met laeng nga ili.

Segun iti imbestigasion dagiti
polis, aksidente a nadungpar ti biktima ti suspek bayat ti
panagbuybuyana iti uneg ti pagkarnabalan.

Mapapati a dimmawat iti dispensa
ti biktima ngem dida latta nagkinnaawatan iti suspetsa a nagtungpal
iti pannakabagsol ti biktima.

Naitaray
ti biktima iti Candon General Hospital para iti panakaagasna..#

Comments are closed.