Footer

Makidapdap-ay iti Iloco.com, nagtitipon

SAN ESTEBAN, Ilocos Sur – Nupay
bassit ti timmabuno, napnek dagiti nakipartisipar iti panagtitipon
dagiti agdapdap-ay iti maysa a web portal dagiti Ilokano.







Balligi…
makapnek!” kinuna da Arlane Manzano, manipud Vancouver, Canada,
Monica Smith ti Alberta, Canada ken LJ Galleta ti Cagayan.

Dagiti tallo ti nagpaay nga
steering committee iti nasao a panagtitipon.

Naisayangkat idi Disiembre 28 ti
programa iti Ursa Major Beach Resort, Barangay Apatot iti daytoy nga
ili ket inatendaran dagiti Ilokano ditoy ken dagiti agtrabtrabaho
iti ballasiw-taaw.

Saan a
nasken no dudua wenno gasut ti immay, ti importante, nariknami ti
panakapnek iti daytoy a panagsasarak, ” kinuna ni Atty. Leo
Beligan ti California iti nagmalem a panagtitipon.

Nakaragsakan unay ti grupo ti
panagtadek dagiti bisita manipud Banayoyo nga indauluan ni Vice Mayor
Thelma Galang kenda Sangguniang Bayan Member Santos Bayaya ken Mike
Perez.

Karaman dagiti nagatendar da Jeric
Domingo ti Maui, Hawaii, Pitong Cabreros ti Pilipinas, Gayagay ti
California, Linda Bulong iti Manila, Jaime Raras, Marvin Acosta,
Danny Antalan, ken dadduma pay.

Saan a nakadar-ay ni Andy Barroga,
administrator ti website, gapu iti di napakpakadaan a rason.

Maysa
a web portal ti iluko.com a pagpalpallailangan dagiti Ilocano nga
agnanaed iti Filipinas ken iti ballasiw-taaw.#