Footer

NDAYON NI LAGIP: Iti Likudan dagiti Ulep, Naraniag ti Init

Agmaymaysan ni lolo nga agbalbalay
iti San Nicolas. Dakkel ti balayda. Maysa gayam a retirado nga
empleado iti bangko.







Idi laeng a naammuak nga addan iti
Amerika ti amak. Idi gayam aginaw ni nanang, nagpa-Manila ti amak.
Nakaasawa iti maysa a balikbayan. Innala ti asawana iti Hawaii ket
didiaydan nga agindeg.

Kuna ni lolo nga awan kano ti anak
da Tatang.

Ngem no dadduma, adu dagiti
saludsodko maipapan iti amak ken ni lolo. No apay a tinarayanna ni
Nanang.

Patpatgen ni
Carlo ti inam ngem nagbuteng a mangannong iti pagrebbenganna
kadakayo,” kinuna ni lolo. Kinunana nga idi maammuan ni papa a
masikog ni nanang, naglibas a nagpa-Manila.

Ngem idi
addan natalged a pagsapulan ni Carlo, nagsurat kaniak a birokek ti
inam ta kayatna nga alaennakayo iti dennana. Dayta ti nakaammuak a
nakiasawan ti inam,” kinuna ni lolo.

Ammona kadi
nga addaak kenka, lolo?”

Wen,”
kinuna ni lolo. “Kinapudnona, isu ti nangibaga nga alaenka ditoy
balay. Isu ti mangipatpatulod iti gastosem nga agadal.”

Nakaluaak, Manong Danny, iti dayta
a nangegko. Ipatpategnak gayam ni papa.

Gapu iti dayta a naammuak,
ad-addan a gimmaedak a nagbasa, Manong Danny. Sinubadak ti ayat ni
lolo kaniak babaen ti panangasikasok kadagiti kasapulanna lalo ket
mangrugin a kumapuy ken ti pammateg ti amak babaen ti
panagsinsinnuratmi. Rinangtayan dagiti suratmi ti nabayag a panawen a
dimi panagdenna.

Ngem manipud idi innalanak ni
lolo, manmanon ti pakadamagak pay ken ni nanang. Naammuak a
pimmanawda iti purokmi gapu iti panagdakiwas dagiti kabusor ti turay.
Ngem di met ammo ti nagsaludsodak no sadino ti nagpainganda.

Pinagtuloynak ni papa iti
kinanars. Inggaedko ti nagadal agsipud ta daytoyen ti gundawayko a
makaturpos iti kolehio. Ammok a dakkelto a kalasagko ti diplomak iti
pannakibakalko iti biag.

Simmingedkami nga agama. Dandani
inaldaw ni papa a tumawag iti selpon. Komkomustaenna ti panagadalko.
Masansan a ballakadannak a diak pay taliawen ni ayat ta agturposak
pay.

Makauray ni
ayat. Ti panagadalmo ti asikasuem agsipud ta kayatko a makita a
dumur-as ken naraniag ti masakbayam,” nakunana.

Naglabas dagiti tawen, Manong
Danny. Dimteng ti panagturposko. Nakaragragsakak ta nagun-odkon ti
tarigagayko a makaadal.

Lolo, sika
ti kayatko a mangiyukkor iti medaliak,” intawagko kenkuana iti
selpon.

Adda
sorpresa a sangailim iti panagturposmo,” kinuna ni Lolo.

Sino kadi,
Lolo?”

Sorpresa pay
no ibagak itan?” inggarakgak ni Lolo.

Iti kaaldawan ti graduation,
nasorpresaak a talaga, Manong Danny. Ni Papa ken ti asawana ti
sangailik! Inrantada ti panagbakasionda iti panagturposko. Nairut ti
arakup kaniak ni mama. Mariknak a maysan nga anak ti panangibilangna
kaniak.

Siakon ti karagsakan a parsua iti
panagturposko, Manong Danny.

(Maigibusto)