Footer

PGMA, indauluanna ti Rizal Day iti San Fernando City, LU

SAN FERNANDO CITY- Iti daytoy a
siudad ti nakaangayan ti maika-112 nga anibersario ti kinabannuar ni
Dr. Jose Rizal itay Disiembre 30.







Manipud iti
Baguio City a nangpalabsanna iti Paskua, simmalog iti daytoy a siudad
ni Presidente Gloria Macapagal Arroyo, kaduana dagiti nangangato nga
opisial ti turay tapno idauluanna ti nasao a selebrasion a panglagip
iti kinabannuar ni Dr. Jose Rizal.

Sinarabo dagiti agtuturay iti
daytoy a siudad ti Presidente a pakairamanan da Gov. Manuel Ortega,
Dip. Victor Ortega ken Butch Dumpit, San Fernando City Mayor Pablo
Ortega, ni National Historical Institute (NHI) Executive Director
Ludivico Badoy, dagiti nangangato nga opisial ti Armed Forces of the
Philippines a pakaibilangan da Chief of Staff Gen. Alexander B. Yano,
ken Philippine National Police (PNP) chief Director General Jesus A.
Versoza, dagiti mamayor ken barangay officials ken dadduma pay a
sangaili.

Apaman a simmangpet ti presidente
iti apaglabes ti alas onse iti aldaw, naikkan iti full military
honors a pakairamanan ti 21-gun salute manipud iti Philippine
Military Academy.

Simmaruno ti flag ceremony babaen
ti panangasistir kenkuana dagiti opisial ti probinsia.

Kalpasan ti flag ceremony, naangay
ti tradisional a wreath-laying iti sakaanan ti monumento ni Rizalnga
inasistiran ni Armed Forces Chief of Staff (AFP) Lt. Gen. Alexander
Yano ni Pres. Arroyo.

Binisita pay ti Presidente ti
sanitary land fill daytoy a siudad a masarakan iti Barangay
Mameltac..

Iti karabianna, simmango ti
Presidente kadagiti kameng ti media ti La Union, Pangasinan ken
Ilocos para iti presscon a naangay iti Thunderbird Hotel Veranda iti
Poro Point, ditoy siudad.

Kabigatanna, nakiinnuman ti
Presidente kadagiti lokal a media iti guest house ti Mansion House.

Kalpasanna,
nagiwaras ti Presidente iti food packs kas pamaskuana iti agdagup iti
3,000 nga indigent a pamilia manipud iti 128 a barangay ti siudad.#

Comments are closed.