Footer

Naiwalang a bangkay, binigbig ti kabsatna

STO. DOMINGO, Ilocos Sur
-Isaysayangkat dagiti inbestigador ti panagpalutpot no asino ti
nangiwalang iti maysa a residente iti Vigan City a nasarakan ti
bangkayna iti Barangay Nanerman ditoy.







Binigbig ti kabsatna ti biktima ti
pammaltog a ni Jerry Malaca, 33, baro, tubo iti Albay, Legazpi City,
ngem agdama nga agnaed iti Barangay Nanerman ditoy nga ili babaen iti
kabsatna a babai.

Nasarakan ti bangkay ti biktima
iti kataltalonan iti Barangay Naglaoaan ditoy met laeng nga ili.

Nakarekobre dagiti polis iti
asideg ti biktima kadagiti waya ti koriente, plais, buneng ken sako.

Suspetsa dagiti polis a natakaw
dagiti waya ti koriente.#