Footer

NDAYON NI LAGIP: Iti Likudan dagiti Ulep, Naraniag ti Init (Maudi a paset)

Ania
ti planom ita ta nagturposkan?” sinaludsod ni Papa bayat ti
panangrabiimi iti maysa a nalatak a panganan iti Manila.











Agrepasoak
ket no mairuarko, agtrabahoak idiay San Nicolas, papa,”
insungbatko.

Awan
panggepmo nga agabrod? Tulonganka nga agbirok iti pagtrabahuam iti
Hawaii.”

Nakapsuten
ni Lolo, awan ti mangasikaso kenkuana,” nakunak.

Dayawenka
iti dayta a kapanunotam,” inarakupnak ti amak. “No adda
masapulmo, tawagannakto latta.”

Ngem
sakbayka nga agrepaso, alaendaka nga agpasiar iti Hawaii. Regalomi
iti panagturposmo,” nakuna ni mama.

Agpayso,
mama? Thank you very much!” nayesngawko.

Kaasi ti Dios, nairuarko ti
eksamen, Manong Danny. Nagtrabahoak iti maysa nga ospital iti Vigan
City.

Bisperas ti Paskua, madamaak nga
agsursursor iti pasiente idi adda anabaab iti ruar ti ospital.

Ania
daydiay?” dinamagko iti maysa nga attendant.

Lakay,
nadungpar kano ti lugan,” insungbatna.

Grabe ti sugat ti lakay. Dagus a
naiserrek iti emergency room tapno maopera.

Nataldiapak ti babai a
tumakder-tumugaw iti ruar ti operating room. Nagtibbayoak. Saan a
kabarbaro ti rupana kaniak.

Immasidegak. “Nanang!”
nayesngawko idi mailasinko.

Lorna!”
nayesngawna.

Naammuak a ti siumanko a lalaki ti
nadungpar ti lugan.

Adu ti naammuak ken ni Nanang.
Rigat latta ti adda a panagbiagda. Agsolsolodan nga agbibiag ta addan
assawa dagiti kakabsatko.

Manipud iti purokmi, napanda iti
Isabela. Ngem awan dimmur-asanda. Nagsublida iti Ilocos Sur ket
agdama nga agnanaedda iti Barangay Lawingen. Awan masnop a trabaho ti
siumanko.

Kagapgapuna kano nagtrabaho iti
maysa a maar-aramid a balay ket aggawiden a nakalugan iti traysikel
idi maaksidenteda.

Pangalaak
tattan iti pagbayad iti operasion!” insangit ni Nanang.

Dika
madanagan, ‘nang, siak ti makaammo iti magasto,” nakunak.

Kasla saan a mamati ni Nanang iti
nangegna. “Dakkel ti nagkurangan kenka ni Dado…” nakunana.

Nabayagen a
pinakawanko ni tatang,” nakunak ket piniselko ti dakulap ni nanang.

Ngem grabe ti dunor ti siumanko a
lalaki ket saanna a nailasat. Kas inkarik, siak ti nakaammo a
nangibaklay iti nagastona iti operasion.

Imbagak ken ni Papa ti panagkitami
ken ni Nanang. Insalaysayko amin a napasamak kenkuana manipud idi
innalanak ni lolo.

Kayatko nga
alaen ni nanang, papa. Palubosannak koma,” nakunak.

Dayta koma
ti ibagak,” insungbatna. “Wen, anak, alaem dita dennam. Dakkel ti
babak a naaramidko kenkuana. Saan nga umanay amin a kinabaknang iti
lubong a pagbayadko iti basolko kenkuana.”

Agyamanak,
papa,” nakunak. “Kayatko a mananam met ni nanang ti nam-ay iti
nabatbati pay a panawenna ditoy Daga.”

Wen, itay Paskua, addan iti dennak
ni Nanang, Manong Danny. Iti baet dagiti napasamak, ay-ayatek ti inak
ket madadaanak a mangipaay iti ayat kenkuana.

Iti isasangbay ti Baro a Tawen,
mangnamnamaak nga ad-adda pay a mabukel ti nalaglagda a pinnateg iti
nagbabaetanmi: ni Lolo, ni Papa ken ni Mama, ni nanang ken siak.

Nagasat a Baro a Tawenmo manen ket
agyamanak iti panangibasam iti daytoy a suratko.

Lorna Mendoza

Magsaysay Village, Vigan City

Comments are closed.