Footer

Panaglangen ti ehekutibo, lehislatura, lumamlamiis?

VIGAN CITY – Lumamlamiis kas iti
ilalamiis ti agdama a panawen ti langenlangen iti nagbaetan ti
ehekutibo ken lehislatura?







Kinuna ni Vice Governor Jerry
Singson nga adda dagiti dida maawatan mainaig iti sumagmamano a
programa ti gobernador ket ur-urayenda ti panangawag kadakuada ti ama
ti probinsia tapno lawlawaganna dagitoy ngem awan met ti maurayda nga
awag.

Yur-uraymi
laeng ti panangiyeksplikar ni apo gobernador,” kinuna ni Singson
idinto nga inyunay-unayna a nabayagen ni Gov. Deogracias Victor
Savellano a nagtakem a gobernador ket kabisadona ti
pannakaimplementar dagiti programa idinto nga isuda nga adda iti
lehislatura saanda unay ammo dagitoy ta dida met napadasan ti
nagtakem iti ehekutibo.

…Adda
dagiti dimi maawatan, rebbengna laeng koma a paayabannakami ni apo
gobernador ta iyeksplikarna tapno maawatanmi,” kinuna ni Singson
idinto a linagidawna a “ngem ti imasna, dimi met mauray a
paayabannakami, dina met iyeksplikar kadakami, kasano ngarud nga
inkam maawatan?”

Maysa a dinakamat ni Singson bayat
ti programana iti DWRS a JCS, Kakibin ti Balligi a dida maawatan iti
provincial board ti proposed Executive-Legislative Agenda para iti
2007-2010 a naggapu iti opisina ti gobernador.

Kinuna ni Singson a dayta ti
pagsidsiddaawanda ta nalpas metten ti ELA para iti 2007 agingga iti
2010 sana innayon nga “unless no adda kayatna a ma-refine, tuning,
wenno adda importante a kayatna nga agbaliw iti plano…”

Tinudingan ti board ni Bokal
Ronnie Rapanut a “dumawat iti pammalawag” iti gobernador mainaig
iti nasao a komunikasion tapno masurotanda met laeng ti kayat ti
gobernador a maaramid. Nadutokan met ni Bokal Peter Manzano nga
umasideg iti gobernador tapno malawlawagan ti 20% annual development
fund.

Dakami iti
lehislatura, nakasaganakami, gumawgawawakami iti panangilawlawag ni
apo gobernador kadagitoy programana, ngem ti imasna, dinakami met
pagunian, dinakami met taliawenen, kasla awanen ti importansiami,
kasla taken for granted kami…. inlagidaw ti bise gobernador idinto
nga innayonna a disnudoda a mapan makiuman-uman kenkuana no paayaban
ida ti gobernador.

Nadakamat pay ni Singson a kayatda
a palawlawagan iti ehekutibo mainaig iti nakali a lote iti Barangay
Tamag a pakaipatakderan ti convention center idinto nga ammoda nga
awan pay ti pondona tapno ammoda ti isungbatda kadagiti tattao.

Gapu iti pannakakali ti nasao a
lote, kapilitan nga inyalis ti siudad ti Vigan idi napan a tawen ti
pakaangayan ti pagkarnabalan.

Gumawgawawakami
a makidialogo, makikonsultasion kenkuana (gobernador)… kayatmi met
a saankami a taken for granted… kayatmi a part and parcelkami met
iti panagserbina iti administrasionna…” kinuna ni Singson sana
innayon a “dimi ammo ti ar-aramidenmi ta pulos, dinakami met
kapatang”.

Kinuna ti bise gobernador nga awan
pay ti awis kadakuada isu a kanya-kanya pay laeng dagiti kameng ti
probinsial board kadagiti proyekto ken programada.

Segun ken ni Singson, iti baet a
dakkel ti maipapaay ti proyektona a medical mission, di pay kayat ti
ehekutibo a punduan uray dagiti minimal a gastosna.

Innayonna a pagunianna met ti
gobernador kadagiti amin a programana, imbitaranna pay ngem saan met
nga agparang ti naud-udi.

Awan met ti
makitana a napintas nga aramidtayo ket ania ngarud….” kinuna ti
bise gobernador.#