Footer

Mayor ti Carasi, I. Norte, nadunor iti aksidente

STA. CRUZ, Ilocos Sur – Nadunor ti
maysa a mayor iti maysa nga ili iti Ilocos Norte gapu iti aksidente a
nakainbolbaran ti luganda iti Barangay Mambog, ditoy nga ili itay
lawasna.







Naitaray ni Mayor Rene Gaspar ti
Carasi, Ilocos Norte agraman ti drayberna a ni Alexander Domingo, 32,
residente iti Virbira, ken di nainaganan a kakaduada iti Tagudin
General Hospital, Tagudin, Ilocos Sur para iti pannakataming ti
sugatda.

Segun
iti inisial nga inbestigasion, sarsarunuen ti Toyota Revo a
nagluganan ti mayor ken kakaduana ti maysa 10-wheeler truck a
minaneho ni Rudy Corpuz, 57, residente ti San Pedro, Candon City idi
kellaat a nagsardeng ti truck ket iti panangpadas ni Corpuz a
manglisi, nasapgidna ti bakrang ti truck a nakaigapuan ti
pannakaidungparda iti waiting shed.#

Comments are closed.