Footer

PDEA agents, nagisayangkat iti operasion nga awan ti koordinasionda iti kapolisan?

SAN FERNANDO CITY – Awan ti
koordinasion dagiti kameng ti Philippine Drug Enforcement Agency iti
kapolisan ditoy siudad idi isayangkatda ti buy-bust operation, segun
iti hepe ti polis ditoy.







Kinuna ni Police Supt. Pedro
Obaldo, hepe ti polis ditoy siudad a gapu ta awan ti naikoordinar
kadakuada nga operasion, illegal ken naglabsing iti rules of
engagement dagiti nasao a PDEA agents.

Nakasuan iti illegal discharge of
firearms ken alarm and scandal da PO3 Roy Allan Abang ken Joselito
Dumocmat, agpada a PDEA agent gapu iti mapapati a panagpaputokda iti
paltog iti rabii ti Enero 11 iti Barangay Ilocanos Norte, ditoy
siudad bayat ti mapapati a buy-bust operation nga insayangkatda.

Innem dagiti PDEA agents a
mapapati a nangiwayat iti operasion ti droga iti nasao a lugar ngem
da laeng Abang ken Dumocmat dagiti nagpaputok.

Nainaganan dagiti uppat pay a PDEA
agents a da Prison Guard Chester Oandasan, 32, taga-Concepcion, del
Pilar, Ilocos Sur; Prison Guard Jaime Cruz, 32, taga-Sevilla, San
Fernando City ken Intel Officer Jojo Gayuma , 26, taga-San Martin,
Madela, Quirino.

Segun iti polis, nagrespondeda
gapu iti pulong dagiti residente iti nadakamat abarangay nga adda
dagiti PDEA agents a nagpaputok iti lugarda.

Nakarekobre dagiti polis iti maysa
nga 9 mm, maysa nga m-16 rifle ken maysa a 45 caliber pistol manipud
kadagiti suspek.

Mapapati
a nakainom dagitoy idi maarestoda.#

Comments are closed.