Footer

11 police stations ti Ilocos Sur, immawat iti pagpatrolia a lugan

SAN FERNANDO CITY – Sangapulo ket maysa a pagpatrolia a
lugan ti naited kadagiti napili a police stations iti Ilocos sur iti
seremonia a naangay iti Camp Brig. Gen. Oscar C. Florendo ditoy itay
nabiit.







Karaman dagitoy kadagiti 31a kabarbaro a behikulo nga
impaima ti police regional office kadagiti hepe dagiti napili a
police stations iti rehion iti dayta met la nga aldaw.

Mismo a ni Police Chief Supt. Luizo C. Ticman, regional
director, ti nangipaima kadagiti hepe dagiti police stations iti
Rehion I ti 14 Toyota Hi-Lux 4×2 pickups ken 17 Toyota Innova utility
vehicles bayat ti seremonia nga inimatangan dagiti provincial
directors, chiefs of police, local government officials ken dagiti
polis.

Immawat dagiti police stations ti Sta. Maria, Sta. Cruz,
Sinait ken Salcedo iti Ilocos Sur iti Toyota Innova a patrol car ken
ti police stations ti police stations ti Suyo, Sigay, Quirino,
Nagbukel, Lidlidda, Cervantes ken Gregorio del Pilar iti Toyota
Hi-Lux 4×2 pickups.

Karaman nga immawat iti Toyota Innova patrol cars ti
police stations ti Batac ken San Nicolas iti Ilocos Norte; police
stations ti Sudipen, Naguilian ken Luna iti La Union; ken police
stations ti Sta. Maria, Urbiztondo, Tayug, Sta. Barbara, Rosales,
Manaoag, Burgos ken Anda ti Pangasinan.

Naiwaras met dagiti dadduma pay a Toyota Hi-Lux 4×2
pickups iti police stations ti Banna, Dumalneg, Marcos ken Solsona
iti Ilocos Norte; ken police stations ti Natividad ken Mabini iti
Pangasinan.

Segun ken ni Ticman, paset dagiti naiwaras a pagpatrolia
a lugan iti capability enhancement component ti PNP Integrated
Transformation Program ken iti programa iti modernisasion ti PNP a
maaddaan dagiti amin a police stations iti sapasap a pagilian iti
saan a nakurkurang ngem maysa a pagpatrolia a lugan.

Kinuna ni Ticman nga ekspektarenna ti nainget a
panangobserba dagiti recipiente kadagiti lugan iti umisu a
pannakaaywan ken maintenance dagitoy agsipud ta responsibilidadda ken
accountableda kadagitoy.

Kinuna
pay ti regional director a saan a para pribado ti pakaaramatan dagiti
lugan no di ‘for official use only”.#

Comments are closed.