Footer

4.6 magnitude a ginggined, narikna iti Vigan City

VIGAN CITY – Narikna ditoy siudad ken dadduma pay a
paset iti Luzon ti pamigsaen a ginggined iti apaglabes ti tengnga ti
aldaw idi Enero 21.







Nagpigsa iti 4.6 magnitude ti ginggined a narikna ditoy
siudad iti 12:57 p.m., intensity 4 iti Sinait, intensity 3 iti
Candon, Benguet ken Abra ken intensity 2 iti Laoag City ken Baguio
City.

Segun iti Philippine Institute of Volcanology and
Seismology (Philvocs), tectonic ti nasao a ginggined a natunton iti
33 kilometro iti amianan a laud ditoy siudad nga addaan iti kauneg a
32 kilometro.

Maparnuay ti tectonic a ginggined no agburak ti earth’s
crust gapu iti puersa a geolohikal kadagiti bato ken plates a
mangpataud iti pisikal ken kemikal a panagbalbaliw.

Awan
ti naireport a nadadael gapu iti ginggined.#