Footer

5 aldaw a serbisio iti salun-at, insayangkat ti Aloha Medical Mission

CANDON CITY – Rinibu nga agindeg iti maikadua a
distrito ditoy probinsia ti nagdudupudop ditoy siudad tapno
gundawayanda ti tallo nga aldaw a medical mission nga insayangkat
dagiti dodoktor manipud iti Hawaii itay Enero 15-17.







Imbes nga aggastoak iti nasurok P50,000 gapu iti
operasionko iti myoma, na-operarak a libre,” siraragsak nga imbaga
ni Mrs. Minerva Ramirez, maysa a pasiente.

Kinuna met ni Manang Librada a saan a nagpangadua a
nagpaopera iti goiterna gapu ta espesialista dagiti dodoktor ti
Aloha Medical Mission.

Dinayaw met ni Tata Mamerto ti kinalaing dagiti
nangopera iti bukol ti anakna.

Daytoy a programa ket babaen ti panagtinnulong ti
Candon City Hospital ken dagiti kakailiantayo idiay Hawaii ket
naisayangkat ti libre nga operasion, check-up ken panakaited iti agas
kadagiti pasiente,” kinuna ni sigud a congresswoman Grace Singson.

Indauluan ni Dr. Ramon Sy, co-founder ken past
presidente ti Aloha Medical Mission dagiti nagkaadu a doktor, nurses,
ken lay volounters manipud Hawaii, Mainland USA ken dadduma pay a
paset iti lubonga nangisayangkat iti libre a major operation kas iti
ovarian cyst, breast mass, goiter, sakit iti matris, ukel-ukel,
gusing; minor surgery iti cyst ken dadduma pay a bukol iti bagi.

Naikuyog iti bunggoy da Samuel Sonson, agdama a
presidente ti Candonians of Hawaii, ken ni Dr. Ignacio Torres, maysa
a mabigbig a doktor nga anak ti Candon.

Malaksid kadagiti doktor iti Hawaii, nakipag-operar da
Dr. Ericson Singson, Dr. Candonino Gazmen, Dr. Jose Bello ken dadduma
pay a doktor ti Candon City Hospital.

Lima
nga aldaw a naisayangkat ti OPD iti sango iti hospital babaen ti
Candon City Health Center Team nga indauluan ni Dr. Narciso Ramos.#

Comments are closed.