Footer

Agdiagdiaging, napaltogan, natay

VIGAN CITY – Maysa a lalaki ti pinaltogan dagiti armado
a tattao bayat ti panagdiagingna iti agsapa ti Enero 21 ditoy a
siudad.







Naammuan iti report a madama nga agdiagdiaging ni Joel
Quinitip, 40, residente iti Barangay 9, ditoy ket addan iti nagsulian
ti kalsada Gov. A. Reyes ken Mabini idi pinaltogan dagiti di pay
nabigbig a tattao a mapapati a nakalugan iti di pay ammo a behikulo.

Naitaray ni Quinitip iti maysa nga ospital ditoy ngem
pimmusay bayat ti pannakataming ti sugatna iti pispis.

Segun
iti maysa a barangay kagawad, nakangegda iti maysa a putok ngem
impagarupda a paputok laeng. Ngem idi rimmuarda, nakitada laengen ti
biktima a nadigos iti dara.#

Comments are closed.