Footer

INDAYON NI LAGIP: Managrabak nga Ayat (Tuloyna)






Bayat ti kaaddak iti luganko nga
agpa-Candon, pinadasko a binukel ti rupa ni Jerry. Iti dayta a pintas
ti bosesna guapo la ketdi. Diak mateppelan ti tibbayo ti barukongko
idi asidegen ti lugan iti tiendaan.

Nagdissaagak iti yan dagiti
aglaklako iti kalamay ken chichacorn. Nagteksak kenkuana no sadino ti
yanna. Insungbatna nga adda nga agur-uray iti plasa. Nakasuot kano
iti nalabaga a tisiert a namarkaan iti “No fear”.

Imbagak ti inaruatko a pagan-anay.

Tumanalangkiawak idi makadanonak
iti plasa. Adda nakitak a lalaki iti sementado a tugaw iti asideg ti
monumento ngem saan met a tisiert no di polo ti kawesna.

Adda maysa a lalaki a nagkawes iti
nangisit a nagmarka iti No Fear. Tinaliawnak idi sumungadak.

Saan nga isu, nakunak iti nakemko,
Manong Danny. No isu ni Jerry, saan koma a nagtalinaed a nakatugaw.
Sinabatnak koman.

Adda lalaki a masabatko. Apsay ti
pagat-abaga a buokna. Makatawen san a di nagpapukis. Imbag koma no
bagayna, ngem saan met. Ayna, napunno iti kamuro ti rupana.
Inisemannak.

Hello,
sika kadi ni Darling?” dinamagna.

Wen…”
insungbatko

Siak
ni Jerry… Cute mo talaga , Darling.”

Ay, nagdakkel a dismayak, Manong
Danny! Adayo ti adda iti sanguanak ti arapaapko a Jerry.

Natikawak, Manong Danny. Ania ti
aramidek? Numona ta naikarik a sungbatak iti daytoy a panagsarakmi.

(Maigibusto)