Footer

Nakasaganan dagiti aktibidad para iti Maikadua a Kannawidan Festival

VIGAN CITY – Nakasaganan dagiti nadumaduma nga aktibidad
para iti pannakarambak ti maikadua a Kannawidan Ylocos Festival,
segun iti ama ti probinsia.







Kalpasan ti pannakitaripnong ni Gob. Deogracias Victor
“DV Savellano kadagiti napusgan a mangpataray iti nasao a parambak,
impakaammona dagiti aktibidad iti pannakaselebrar ti maika-101 nga
anibersario ti Ilocos Sur kas naan-anay a probinsia.

Segun iti gobernador, maaramid ti maysa a prosision
wenno libut inton Enero 28 kalpasan ti maysa a misa konselebrada iti
St. Paul Cathedral iti siudad ti Vigan. Mailukat pay itoy nga aldaw
ti Ramen ken Raman Food Festival kasta metten ti kinnaaduan iti makan
nga empanada ken longganisa ken kaaduan iti mainum a basi.

Dagiti sumaganad ti pakabuklan dagiti aktibidad:

Enero 29 – Pinnadakkelan iti apit a natnateng ken
prutas, rugi ti trade fair, agmalmalem a pannakaiparang dagiti
nakaugalian a salsala, kadaanan a pagan-anay ken maysa a piano
exhibition;

Enero 30 – Passporting, jobs fair, Delphic games,
airsoft competition, quiz bee, pannakirambak kadagiti indigenous nga
agnaed babaen ti panaginum iti tapey, ken Ray-aw ken Linglingay a
pakaangayan ti pasalip iti banda;

Enero 31- Fun run, lumba ti bisikleta, fashion show,
photography/painting seminar and exhibit;

Pebrero 1-Lumba ti kabalio, dog show, parada ti nagkauna
(vintage) a luglugan, ken Saniata ti Ilocos Sur Pageant;

Pebrero 2 – salisal iti panagtokar iti kadaanan nga
instrumento musikal, indigenous games ken Zarzuela Ilocana;

Pebrero
3 – Symposium on Preservation and Conservation, Awards and
Recognition (Achievers and winners of SIGLAT Awards) ken maysa a
konsierto. #

Comments are closed.