Footer

Problema iti komunikasion nagbaetan gobernador, bise gobernador, bobokal, naurnos babaen ti dialogo

VIGAN CITY – Nabunga ti dialogo iti nagbaetan ti
gobernador ken bise gobernador ken dagiti kameng ti sangguniang
panlalawigan ket nawaknitan ti ulep a dandani nanglangeb iti
panaglalangenda.







Napagpapatanganmi dagiti nadumaduma a problema… ket
adu ti nalawlawaganmi a banagbanag…” kinuna ni Vice Governor
Jerry Singson bayat ti programana a JCS, Kakibin ti Balligi a
naipatangatang iti DWRS idi Enero 22.

Babaen ti initiatibo dagiti kameng ti sangguniang
panlalawigan, naangay ti close door conference iti nagbaetan ni Gov.
Deogracias Victor Savellano ken dagiti bokal ket impeksa dagiti
naud-udi dagiti riknada a “dida maipeksapeksa” maipanggep
kadagiti programada a saan a maipangpangruna ken “naipeksa met ti
gobernador ti sungbatna” kadakuada.

Impakaammo ti bise gobernador a maysa kadagiti napintas
a bunga ti nasao a dialogo ti pannakaited iti naan-anay a pondo ti
JCS Medical Mission nga agtaud iti 20% annual development fund para
iti 2009.

Kinuna ni Singson nga awan ti pondo ti JCS Medical
Mission ket aggapu iti ruar amin a suporta iti daytoy, awan ti
gastos ti gobierno probinsial “ngem no adda pagkurangan (ti medical
mission), wenno emergency wenno exceptional cases a maikkan (ti
pasiente) iti sigida a serbisio wenno madagdagus nga operasion,
daydiay ti pakasapulan iti suporta ti gobierno probinsial…”

Agyamanak ken ni gobernador ta nangted iti naan-anay
a pondo ti JCS Medical Mission,” kinuna ni Singson.

Sakbay ti dialogo, kinuna ni Singson nga adda dagiti
dida maawatan mainaig iti sumagmamano a programa ti gobernador a
naipalaon iti 20% development fund ket ur-urayenda ti panangawag
kadakuada ti ama ti probinsia tapno lawlawaganna dagitoy ngem awan
met ti maurayda nga awag.

Yur-uraymi laeng ti pana-ngiyeksplikar ni apo
gober-nador,” kinuna ni Singson.

…Adda dagiti dimi maa-watan, rebbengna laeng koma a
paayabannakami ni apo gobernador ta iyeksplikarna tapno maawatanmi,”
kinuna ni Singson idinto a linagidawna a “ngem ti imasna, dimi met
mauray a paayabannakami, dina met iyeksplikar kadakami, kasano ngarud
nga inkam maawatan?”

Segun ken ni Singson, kal-pasan ti dialogo, manamnama a
pumintas ti relasion iti nagba-etan ti sangguniang panlala-wigan ken
ti gobernador.#