Footer

2 kutsero, nagriri gapu iti pasahero

VIGAN CITY – Nabagsol ti maysa a kutsero babaen met
laeng ti padana a kutsero gapu iti mapapati a riri iti iluganda a
turista.






Segun iti inisial nga inbestigasion, mapapati a
kinullayot ken binagsol ni Ariston Tolosa, 66, residente iti Barangay
Beddeng Laud ditoy siudad ni Camilo Carino, 34, residente iti Ora
West, Bantay, Ilocos Sur gapu iti riri iti ikargada a pasaheroda a
turista.

Naammuan nga agsobra ti bilang dagiti turista ket
kasapulan a dua a kalesa ti mangilugan kadakuada ngem saan a
nagkinnaawatan dagiti dua a kutsero a puon ti nangkullayotan ken
nangbagsolan ni Tolosa ken ni Carino.

Naitaray
ni Carino iti Gabriela Silang General Hospital para iti pannakaagas
ti dunorna iti makannigid nga imana idinto a naipan ni Tolosa iti
police station.#

Comments are closed.