Footer

Baro, natiliwan iti shabu

SINAIT, Ilocos Sur – Maysa a baro ti natiliw iti sango
ti tiendaan ditoy gapu iti napegges a panagpatarayna iti luganna ngem
dimmagsen ti basolna gapu ta naduktalan nga adda ikutna a mapapati a
maiparparit nga agas.






Segun iti report, kinamat dagiti polis ni Julimar Yagin,
19, baro, residente iti Katipunan ditoy gapu iti napegges a
panagpatarayna iti sanguanan ti tiendaan ket impanda iti police
station.

Bayat ti panangsumaria dagiti polis kenkuana, naduktalan
nga adda dua a plastic sachet iti bulsana a mapapati a naglaon iti
shabu.

Iti
pannakaisurat daytoy, maisagsaganan ti kaso maikontra iti suspetsa.#