Footer

INDAYON NI LAGIP: Managrabak ni Ayat (Maudi a paset)

Inta
dita Jolibee,” inyawisna.






Ditoyen….”
nakunak.

Ditoynak
ngarud a sungbatanen,” pinerrengnak.

Ha,
sungbatan? Apay a sungbatanka?”

Ay
ni Darlingen, ag-joke-joke manen,” nagkatawa ni Jerry. “Di ba,
isu ti tulagta? Agkitata ta sungbatanakon.”

Ha,
kinunak daydiay? Managlilipatak gayamen,” pinilitko ti immisem.

Uy,
na-tetense siya. Relax, hindi naman ako playboy,” kinuna ni
Jerry.

Wen
ngarud. Tense ako.”

So…
I love you so much, Darling. Please, love me too.”

Kulitennak
lattan a sungbatak, Manong Danny. Ngem immaweren ti riknak kenkuana.
Idi la a naamirisko a dakkel a biddutko ti pannakisinnarakko
kenkuana. Wen, nasaysayaat laeng koman a dikam nagkita.

Please,
Darling, say you love me too,” nagtimek manen ni Jerry. Iniggamanna
ti imak.

Linapsutko
ti imak. Pinilitko ti immisem.

Jerry…
ala wen, sungbatankan… kayatko a friendta laeng.”

Ha!”

A-adda
ipudnok kenka, addan boyfriendko,” nakunak.

Diak
patien! Ang-angawennak laeng!” nakuna ni Jerry.

Diak sigida
nakasungbat. Nagtalangkiawak. Nataldiapak ti maysa a lalaki a
nakatakder iti asideg ti monumento a kumitkita kadakami.

Daydiay,
ne, ur-urayennak,” intudok ti lalaki sako iniseman ken pinayapayan.

Nakitak a
nagmalanga ti lalaki a kasla laslasinennak. Idi kuan, immisem met.

Maykan,
ta yam-ammoka,” kinunak.

K-kua,
adda gayam nalipatak dita supermarket. Panawanka pay,” kinuna ni
Jerry ket nagdardarasen a pimmanaw.

Nakaangesak
iti nalukay.

Rimmuarak
iti plasa. Linabsak ti lalaki.

Thank
you, manong,” kinunak kenkuana saak bimmallasiw iti kalsada.

Idi
taliawek ti lalaki, kudkudkodenna ti ulona idinto a kitkitaennak.
Dakkel la ketdi a burburtia kenkuana no apay a nagyamanak.

Daytoy,
Manong Danny, ti padasko iti biag. Ammok a madi daydiay nga
inaramidko. Ammok a nasairko ti rikna ni Jerry. Ngem ania ngarud ta
naduktalak a saan gayam nga isu ti lalaki a para kaniak.

Inkarik
ketdi iti bagik a no iyawatko ti ayatko, daydiay lalaki a kapkapnekan
ti riknak, a naam-ammok ken nakasingsingedko a rupanrupa a saan
ketdi a babaen laeng iti teks iti selpon.


Toy nagsurat


Darling