Footer

Music icon, maysa a Fr. Jose Burgos awardee iti Kannawidan Ylocos

CANDON CITY – Maysa a raraemen iti musika ti padayawan
ti gobierno probinsial a kas maysa kadagiti Fr. Jose Burgos awardee
kas maysa kadagiti tampok nga aktibidad iti Kannawidan Ylocos
Festival a nangrugi a maangay itay Enero 28. Agpatingga ti festival
inton Pebrero 3.

Awaten ni Mrs. Minervina Dario Singson, maysa a mararaem
a pianista, kompositor, ken kumakanta iti klasiko a musika, ti
pammadayaw inton Pebrero 3, maudi nga aldaw ti nasao a param-bak.

Nagraduar ni Nana Ambin (birngasna kadagiti nasinged
kenkuana) iti University of the Philippines Conservatory of Music a
nangalaanna iti voice culture kas major ken piano kas minor.
Ginasgasuten a daniw (a kaaduanna ti inaramid ni Rev. Fr. Abbot
Santos Rabang) ti nilapatanna iti melodia tapno agbalin a klasiko a
kanta.

Segun kenkuana, nangrugi a kompositor idi dekada 70s
kalpasan nga in-inut a napukawna ti bosesna gapu iti angkit.

Umabot metten iti walo a konsierto ti impabuyana a
naisayangkat amin iti Candon City.

Iti
tawenna a 89, aktibo pay laeng ni Nana Ambin iti panagilapat iti tono
iti respon-sorial psalms a toktokarenna tunggal misa iti Domingo iti
simbaan ditoy siudad.#

Comments are closed.