Footer

Panagawan ti koriente, saan nga 4 aldaw, agpaut laengen iti 16 oras

VIGAN CITY – Impakaammo ti
National Grid Corporation of the Philippines (dati a Transco) a
maipabassit ti oras a panagawan ti elektrisidad para iti
panangtarimaanda iti substation a mangsuplay iti koriente iti sapasap
nga umuna a distrito ti Ilocos Sur.






Kinuna ni Ramos nga iti inisial a
panangamirisda iti problema ti transformer iti Bantay, umabot ti
uppat nga aldaw ti panagtarimaanda ngem gapu ta makitada a dakkel ti
epektona iti ekonomia ti probinsia ken iti Kannawidan Festival,
intantanda ti immuna a waragawagda a panagawan ti koriente iti
sapasap nga umuna a distrito ti Ilocos Sur.

Immuna a naiwaragawag nga
agmalmalem nga awan ti koriente iti uppat nga aldaw manipud Enero 31
agingga iti Pebrero 3.

Ngem impeksa ni Cong. Ronald
Singson ti isusupiatna iti immuna nga iskediul nga uppat nga aldaw a
panagawan ti koriente iti first district ti probinsia gapu ta dakkel
a pukaw ti itdenna kadagiti negosio ken makaapekto kadagiti
pagtaengan.

Kiniddaw met ni Gov. Deogracias
Victor Savellano ti pannakaitantan ti panagawan ti koriente agsipud
ta masaklawan daytoy ti pannakarambak ti Kannawidan Ylocos Festival a
maangay iti Enero 28 agingga iti Pebrero 3.

Kinuna ni Department Manager ti
NGCP Benigno Ramos a kalpasan ti pannakikonsultana kadagiti
inhinieroda, natinongda nga inton Peb. 7 ti panagawan ti koriente iti
intero nga umuna a distrito ti probinsia ken mapagbalin laengen a 16
oras ti kapautna manipud iti alas 5 ti bigat agingga iti alas dies ti
rabii.

Kinuna ni Ramos a
napagtitinonganda nga i-compress ti trabahuenda iti Bantay ket iti
sabalinton nga aldaw nga itrabahoda dagiti dadduma.

Adda
limmukay a koneksion iti uneg ,” kinuna ni Ramos idinto nga
innayonna a daytoy ti mangparparnuay iti pudot a mangpataud iti
hydrogen ken dadduma pay a gases a mangdadael iti insulation ken lana
ket no saan a maitaltalek, posible a pakadadaelan ti transformer ket
nabaybayag la ket ngarud ti pannakatarimaanna.

Kinuna pay ni Ramos a no saan a
matarimaan ti nasao a transformer, posible a bumtak daytoy.

Impasingked
ni Ramos a no saan unay a nauneg ti tarimaanenda, mabalin a
maisapsapa ti pannakaisubli ti koriente.#