Footer

Alawans dagiti day care workers, naisingasing a maipangato

STA. CATALINA, Ilocos Sur – Maipangato ti monthly allowance dagiti day care workers ditoy nga ili.

Insingasing ni ABC President Claro Ragunjan bayat ti sessionda iti Sangguniang Bayan itay nabiit a maipangato iti P500 ti monthly allowance dagiti day care workers ditoy nga aggapu iti pondo ti munisipio.

Iti agdama, umaw-awat dagiti day care workers iti P1,500 manipud iti barangay fund ken P500 manipud iti municipal fund iti kadagupan a P2,000.

Kinuna ni Mayor Carlos Asuncion a pabor a maipangato ti alawans dagiti day care workers ket kitaenna no adda pangalaan iti pundo para iti daytoy.#