Footer

Domogan, 14 dadduma pay, immawat iti Fr. Jose Burgos Award

VIGAN CITY – Karaman ti maysa a  tubo ti upland municipality kadagiti
sangapulo ket lima nga annak ti Ilocos Sur nga immawat iti Father Jose
Burgos Award gapu iti nagapuananda iti serbisio ken propesionda itay
Pebrero 4, maudi nga aldaw ti Maikadua a Kannawidan Ylocos Festival.

Pinadayawan ti gobierno probinsial ni Congressman ti Baguio City Mauricio G. Domogan iti tay-ak ti serbisio publiko  gapu iti “pammigbig ken dayaw” nga intedna iti Ilocos Sur kas human rights lawyer, panagmayorna iti Baguio City ken kas diputado a mangibagi iti siudad ti Baguio.

Puro nga Igorot a naiyanak iti Patiacan, Quirino (Angaki  idi), Ilocos Sur, nagtaud ni Domogan iti narigat a pamilia, nagkaminero, minero, ken self-supporting student iti panagbasana iti kolehio agingga a nakaturpos iti abogasia.

Dagiti sumaganad dagiti dadduma pay a napadayawan: Monetary Board Director and Manila Bulletin columnist Nelly Favis-Villafuerte, tubo ti  Vigan City (public service); Dr. William D. Dar, tubo ti Sta. Maria (agriculture); Dita Sandico-Ong (fashion designing); Archbishop Emeritus Edmundo Abaya (religion); international bowling champion Christian Jan “CJ” R. Suarez (sports); Olympian Gerardo Rosario (sports); international chess tournament medalist Daniel Lemi Alibin (sports); Composer Minervina Dario Singson (music); Lorenzo Mata (education); Dr. Antonio Lahoz (medicine); painter David Taisa Pichay (arts); National Artist Fidel Antiporda Go (arts); Mr. Bienvenido Rodriguez and Mrs. Milagros Rodriguez (business); ken  Mrs. Visitacion Javier (business).

Naiyawat ti pammadayaw kagiddan ti pannakabigbig dagiti 28 a ‘living treasures’  dagiti nadumaduma a produkto iti probinsia a pakairamanan da Teodora Rodrigo ken Corazon Agosto (abel weaving); Elena Panela, Isabelita Quitevis ken Isabel Pagal (loom weaving);  Salvacion Ramos (burial cloth weaving);  Juanito de la Cruz ken Brigido Espejo (basi ken suka); Arsenio Alzate (basketry and soft broom making), Vicente Quitioan (sagad); Melecio Subadi (labtang making); Ernesto Asitura (stone craft); Saturnino Mandac (kattokong making); Fidel Go (jar making); Matilde Tongson (bibingka); Margarita Bigsao (bamboo craft); Diego Baday (labba ken bigao making); Caridad Lacasandile (lace making); Dionisio Pal-oay (bamboo hat making); Hilaria Lais (bag ken bakget weaving); Nelson Alonzo (tambourine making); Florentino Pilar (saddle making); Isabelita de la Cruz (Ilocano pastries); Teresita Lagasca (turones de mani); Lorenzo Mata (abaniko); Perlita Varilla (opia making); Felicisima Frando pottery making); Emilio Wagan (chant); ken Manuel Buagayan (gong playing)

Kinuna ni Gov. Deogracias Victor Savellano a naipanagan ti pammadayaw ken ni Fr. Jose Burgos, anak ti Vigan a maysa kadagiti tallo a martir a padi a Filipino a nabitay idi tiempo dagiti Kastila kas pammigbig ti gobierno probinsial kadagiti amin a taga-Ilocos Sur a nakaited iti naidumduma a serbisio iti pagilian ken dayaw ni Ilokano iti tay-ak a sinerkanda.#

Comments are closed.