Footer

Karnaper, linibasanna ti guardiana

STA. CRUZ, Ilocos Sur – Maysa nga akusado iti panagkarnap iti motorsiklo ti  nanglibas iti guardiana ditoy itay lawasna.

Birbiroken ita dagiti polis ni Chris John Lord Somera, 23, residente iti Dardarat, Tagudin, Ilocos Sur, sumangsango iti kaso a carnapping gapu iti mapapati a panangitalawna iti motorsiklo ni Sta. Cruz SK Fed. Pres. Mark Anthony Javonillo idi napan a bulan.

Segun iti report, nagpakada ni Somera a mapan iti comfort room iti municipal building agsipud ta dadael ti pagpaknian iti police station.

Kinuyog daytoy ni SPO1 Danny San Andres ngem idi addan ti suspect iti uneg ti CR, timmapuak iti tawa sa nagtaray. Kinamat ni San Andres ngem dinan nakamatan.

Iti pannakaisurat daytoy, madama ti nainget a manhunt operation dagiti polis iti nasao a suspetsa.#