Footer

MMDA chairman, bimmisita iti I. Sur

BANTAY, Ilocos Sur -Bimmisita ni Metro Manila Development Authority
Chairman Bayani Fernando iti Quirino Stadium itoy nga ili itay nabiit
tapno ipakitana ti suportana iti team Marikina a simmali iti airsoft
competition a paset ti Kannawidan Ylocos Festival.

Kinuna ni Fernando a maysa a wagas ti pannakipaset ti team Marikina kadagiti nadumaduma nga airsoft competitions a panangibagana a serioso iti gagemna a tumaray iti kinapresidente .

Maipalagip nga indispley idi ni Fernando ditoy Vigan ti kadakkelan a sapatos a lalat a nairaman iti Guinness Book of World Records.

Manipud Vigan, nagtarus ni Fernando iti Laoag City, Ilocos Norte tapno makipaset iti panagpiesta ti nasao a  siudad. (Mancielito S. Tacadena/NBN Vigan)