Footer

Pangulo dagiti opisina, inisnabda ti konseho

CABUGAO, Ilocos Sur – Saan manen a nagparang dagiti pangulo dagiti
opisina ditoy nga ili iti konseho iti baet a nasuratanda nga agparang
iti session mainaig iti annual development plan.

Saan manen a nagpakita da Jose Corazon Suboc, municipal engineer, Marietta Cruz, budget officer, Florante Jara, municipal planning and development coordinator ken hepe ti polis Saturnino Ediong nga awan man laeng ti impatulodda a rason no apay a dida makadar-ay iti nasao a session.

Agsipud iti kaawanda, saan manen a natratar ti annual development plan.#