Footer

SALAYSAY: Sibilianisasion wenno militarisasion?

Kapaliiwan a no nagretiron ti maysa a nangato nga opisial Iti militar
wenno kapolisan, addan nakasagana a nangato a puestona iti gobierno.

Dakamatentayo ditoy da Executive Secretary Eduardo Ermita, incoming Presidential Management Staff chief Hermogenes Esperon Jr., Energy Secretary Angelo Reyes, Public Works Secretary Hermogenes Ebdane ken Transportation Secretary Leandro Mendoza.

Sakbay a nagretiro ni Ermita, nagsaad a  vice chief of staff of the Armed Forces, hepe ti militar da Esperon ken Reyes idinto a hepe ti Philippine National Police da  Ebdane ken Mendoza.

Ni karetretiro a PNP chief Gen. Avelino Razon  ti nadutokan nga incoming presidential adviser on the peace process.

Dakamatentayo pay ditoy dagiti dadduma a nagretiron nga opisial nga agdama a nakatugaw iti nangato a puesto iti babaen ti administrasion ni Pres. Arroyo a pakairamanan da Thompson Lantion (hepe ti Land Transportation and Franchising Regulatory Board), Dionisio Santiago (hepe ti Philippine Drug Enforcement Agency, Roy Cimatu (special envoy to the Middle East), Generoso Senga (Philippine ambassador to Iran), ken Arturo Lomibao (National Anti-Terrorism Action Group).

Itay nabiit, naipadamag a madutokan ni retired Army Major General Jovito Palparan  iti Dangerous Drugs Board idinto nga idauluan ni  retired Navy Vice Admiral Tirso Danga ti National Printing Office.

Iti maysa a pannakiinnuman ti print media ken ni retired Gen. Renato de Villa idi nagpasiar iti Vigan idi agdama pay laeng a sekretario ti National Defense, nasaludsod kenkuana no ania ti makunana iti  kapaliiwan nga umad-adu ti bilang dagiti retirado a military men a madutokan iti nadumaduma a nangato a puesto iti turay.

Insungbat ni de Villa nga iti bukodna a biang, awan ti pagdaksan ti pannakadutok dagiti nagretiro nga opisial ti militar kadagiti nangato a pagannongan ti turay.

Umuna a rason, kinunana, kualipikado dagitoy ket adda ngarud karbenganda a madutokan kadagiti nadakamat a puestoda.

Maikadua, addaanda met iti kabaelan a mangannong iti nadagsen a pagrebbengan a naipabaklay iti abagada kas kasapulan ti posisionda.

Maikatlo, idi madutokan dagitoy, awandan iti militar ket nagbalindan a sibilian.

Saantayo a mapilaw ni de Villa no ikalinteganna dagiti military men nga agsaad iti puesto ti gobierno kalpasan ti panagretiroda ta maysa met a retirado nga  opisial sakbay a nadutokan a sekretario ti Depensa.

Iti sabali a bangir, inkalintegan ni agdama a Defense Secretary Gilberto Teodoro ti pannakadutok dagiti retired military ken police officials iti Gabinete gapu ta bukod a prerogatibo daytoy ni Pres. Arroyo.

Kinuna ni Teodoro a plenary iti parte ti Presidente ti panangpilina iti agbalin a miembro iti Gabinetena agsipud ta dagitoy ti alter-egona, ngarud pilienna daytay makitana a makabael a mangannong iti pagrebbenganna iti maysa a partikular a tiempo.

Innayon ni Teodoro a saan a pudno ti alegasion dagiti kritiko ti turay nga adda militarisasion iti burokrasia agsipud ta saanen nga agserserbi iti active duty iti Armed Forces dagiti nadutokan.

Iti met biang ti maysa a retirado nga opisial nga addan puestona iti gobierno, maibilang ketdi a sibilianisasion ti pannakadutokda iti sibilian a puesto.

No amirisen ti balikas dagiti nangato nga opisial, dakkel ti maitulong dagiti dati a military men iti pannakaited iti nasayaat a serbisio kadagiti umili agsipud ta idi adda dagitoy iti militar, naipaganetget kadakuada ti naimpusuan a panagserbi ken panangibaklayda iti annongenda.

        (Adda tuloyna)

 

Comments are closed.