Footer

Sports summit maangay

VIGAN CITY – Inwaragawag ni Gov. Deogracias Victor “DV” Savellano a
mangangay ti gobierno probinsial iti maysa nga sports summit bayat ti
miting ti League of Municipalities Of the Philippines-Ilocos Sur
Chapter idi Enero 30.

Kinuna ti gobernador a maangay ti nasao nga sports  summit iti University of Northern Philippines inton Pebrero 17 kas paset ti programana  a panangidur-as iti sports ditoy Ilocos Sur.

Impakaamo ni Savellano a maysanto ni Gerardo Rosario, Olympian a taga-Vigan ken maysa kadagiti naipaayan iti Fr. Jose Burgos Achievement Award iti kalkalpas a Kannawidan Ylocos Festival kadagiti mangidaulo iti nasao a summit.

“Babaen ti panangannongtayo iti barangay ken school-based summit, mapilitayo a nasayaat dagiti adda potensialna nga umaayam ket masanayda tapno makadanonda iti nangatngato nga agpang iti napilida nga sport,” kinuna ti gobernador.

Agdalan met iti training dagiti coaches ken trainers saan laeng nga iti basketball no di pay  iti 17 nga sporting event a kaaduan ti maay-ay-ayam iti nasional ket internasional sports competitions. Dumalan met iti summer camp dagiti umaayam sakbay ti pannakaisayangkat ti maysa a torneo wenno ti inter-town basketball tournament ken 17 a sabsabali pay nga sports.#

Comments are closed.