Footer

3 lalaki, natakawan bayat ti panangrabiida

STA. CATALINA, Ilocos Sur – Tallo a lallaki a pakairamanan ti akimbalay
ti natakawan bayat ti panangrabiida iti pagtaenganna iti Poblasion
ditoy nga ili.

Natakawan ni Ferdinand Camilo, akimbalay, iti P5,000 ken dua a selpon nga agpateg iti P24,000 ken gold-plated a relo nga agpateg iti P40,000,  ti P10,000 a naggian iti petakana a naikabil iti bagna ti natakaw ken ni Arnold Laurente, ken  selpon ken ni Beltran Cervanes.

Segun iti report, simmangpet iti dayta a rabii dagiti tallo iti pagtaengan ni Camilo ket kalpasan ti panangikabilda dagiti gargaretda iti ngato, bimmabada tapno mangrabiida.

Mapapati nga immuli ti mannanakaw iti beranda iti sango ti balay ket kinasakasna dagiti kuarta, selpon ken relo bayat ti pannangan dagiti biktima.

Di pay ammo ti kinaasino ti nagtakaw.#