Footer

Agkaarruba, nagringgor, natagbat ti maysa

STA. MARIA, Ilocos Sur – Gapu iti dati a susik, tinagbat ti maysa a mannalon ti kaarrubana iti Barangay Gusing daytoy nga ili.

Tinagbat ni Romulo Dacquel y Trinidad, 58, naasawaan, ni Reynaldo Bayugo y Macabeo, 59, naasawaan, agpada a mannalon ken agkaarrubaiti Barangay Gusing gapu iti panagsubangda a nagramut iti dati a susikda.

Mapapati a pinaltogan ni Bayugo ni Dacquel ngem dina napuntaan ket bimmales ti naud-udi babaen ti panangtagtagbatna iti immuna.

Naitaray ni Bayugo gapu kadagiti sugatna iti nadumaduma a paset ti bagina ken ni Dacquel gapu iti sugatna iti imana iti Central Ilocos Sur District Hospital iti Narvacan, Ilocos Sur ngem  naiyakar ni Bayugo iti Gabriela Silang General Hospital iti Vigan City.

Nakumpiska dagiti  nagresponde a polis ti buneng a naaramat iti pannagbat ken ti maysa a 38 calibre a paltog, addaan iti uppat a bala ken dua a kapsula.#

Comments are closed.