Footer

174 a paltog, maited kadagiti baro a polis iti Rehion I

SAN FERNANDO CITY – Nasurok a 170 a paltog ti maited kadagiti kabarbaro a kameng ti Philippine National Police ditoy Rehion I, daytoy ti impakaamo ti regional director itay nabiit.

Kinumpirma ni Police Chief Supt. Luizo Ticman, regional director ti PRO1 ditoy a maited ti 174 a .9mm a paltog kadagiti police officer I ditoy region kas paset ti kampania ti kapolisan a panangparmek iti krimen iti Rehion Uno.

Itay nabiit,kas paset iti second level ti regular a programa ti promosion dagiti polis iti 2008, agdagup iti 826 a polis iti rehion I ti naipromot iti ranggoda.

Naiyaspili ti baro a ranggoda iti 46 a Police Commissioned Officers (PCO) a pakairamanan ti 17 Police Senior Inspectors ken 27 Police Chief Inspectors ken 780 a Police Non-Commissioned officers (PNCO) a pakaibilangan ti 423 a Police Officer 1 (PO1) a naipromot a Police Officer 2 (PO2); 118 PO2s a naipromot a PO3; 33 PO3s a naipromot a SPO1; 39 SPO1s a naipromot a SPO2, 124 SPO2s a naipromot a SPO3, ken 43 SPO3s a naipro-mot a SPO4.

Kinuna ni Ticman a maysa daytoy a “pammigbig iti propesional a kabaelan” dagiti polis a naipromotiti sumaruno a nangatngato a ranggoda.

Impaganetget pay ni Ticman a kaapiring ti nangatngato a ranggo ti dakdakkel a responsibilidad.

Iti sabali pay nga interbiona iti media, impakaammo ti regional director nga aggawatda iti 200 a baro a polis ita a tawen.

Nairanta ti quota para iti probinsia ti La Union, Ilocos Norte, Ilocos Sur ken Pangasinan.

Kinuna ni Ticman a rinugianen dagiti uppat a police provincial offices (PPOs) ti agawat kadagiti aplikante para polis.#

Comments are closed.