Footer

Performance ti Rehion I iti 2008, naapektaran iti krisis pinansial

San Fernando CITY – Nupay saan a makuna a dakes a tawen ti 2008 para iti Rehion I, inannugot dagiti dadaulo ti rehion nga adda iti saan a natalingenngen a kasasaad ti rehion.
Segun ken ni Ilocos Sur Gov. Deogracias Victor Savellano, saan met a nagbalin a dakes a tawen ti 2008 para iti Rehion I ngem adda pay laeng ti rehion iti makunkuna nga “uncertain times” gapu iti global slowdown.
Kinuna pay ti gobernador bayat ti 2008 State of the Regional Development Conference and Prospects for 2009 a naangay iti Bangko Sentral ng Pilipinas itoy a siudad idi Pebrero 20, gapu iti krisis pinansial a sagsagrapen ti lubong, bimmaba ti performance ti Rehion I iti agduduma a sektor, daytoy ti naammuan .
Iti naipresentar a datus, bimmaba ti Gross Domestic Product (GDP) ket nagbalin a 4.6% laengen idi 2008 no maikumpara iti GDP a 7.2% idi 2007. Manipud met iti 8% a Gross National Product (GNP) idi 2007, bimmaba iti 6.10% laengen itay napan a tawen.
Iti benneg ti agrikultura, manipud iti 4.9% idi 2007, bimmaba iti 3.2% laengen idi 2008; bimmaba met ti inprastruktura manipud iti 7.10% idi 2007 5% idi 2008; iti benneg ti serbisio, manipud iti 8.1% idi 2007 nagsuek iti 4.9% idi 2008.
Iti kabuklan a performance ti rehion, manipud iti 11.3% idi 2007, nagtinnag laengen a 4.5% idi 2008.
Nupay kasta, ngimmato met ti employment rate ti rehion iti 2.1% a nangipababa iti 7.9% ti unemployment rate. Ngimmato met ti private investment iti 154.33% idinto a 41% ti ngimmatuan ti domestic ken foreign tourism. Ngimmato pay ti crime efficiency rate iti 89.8% idi 2008 manipud iti 85.85% idi 2007.
“Ilocalizetayo dagiti millenium development goals ti national government tapno marangtayan dagiti pagkurangan aglalo iti critical areas,” kinuna ti RDC chairman.
Addan P330 billion nga imparuar ni Pres. Gloria Macapagal-Arroyo tapno mausar a pangsalbar iti economia ti pagilian iti posible a pannakaapektarna iti global economic crisis.#

Comments are closed.