Footer

Ubing, dinungpar ti lugan

STA. LUCIA, Ilocos Sur – Dinungpar ti maysa a lugan ti agbisbisikleta nga ubing iti kalsada nasional a sakup ti Barangay Catayagan ditoy a puon ti nakayospitalanna.
Segun iti report, agbisbisikleta iti igid ti kalsada ti biktima a ni Rafael Manansala, 10, Grade 4, residente iti nadakamat a barangay idi dungparen ti Toyota Revo, addaan plaka XDB-574, minaneho ti maysa managan Randolf Medrano, 25, empleado ti Jamaica Realty ken temporario nga agnaed iti Barangay Darapidap, Candon City.
Iti inbestigasion ti polis, ag-obertek koma ni Medrano, ngem adda gayam masabatna ket mapapati nga inawidna iti kanawan ti manibela ngem dina nakontrol ket dinungparna ni Manansala nga agbisbisikleta iti igid ti kalsada.
Naitaray ti ubing iti Candon City Hospital para iti panakaagas dagiti sugatna.#

Comments are closed.