Footer

Wanted person, natiliw iti checkpoint

STA. LUCIA, Ilocos Sur – Natiliw ti maysa a wanted person iti checkpoint ditoy nga ili kalpasan ti napaay a panangkemmeg kenkuana dagiti polis ti Candon City.

Saan a nakalusot iti checkpoint nga impasdek dagiti polis ditoy ni Uldarico Sayana, 52, naasawaan, temporario nga agnaed iti San Jose, Candon City ken sumangsango iti kaso a panaglabsing iti RA 9208, Section 4 wenno human trafficking.

Intimbre dagiti kameng ti PNP Candon ti nasao a suspetsa kalpasan a saanda a nakamakam ta nakalugan daytoy iti jeep nga agpaabagatan.

Adda warrant of arrest nga imparuar ni Judge Gavino Balbin ti RTC 23 iti Candon City para iti pannakaaresto ni Sayana.#

Comments are closed.