Footer

2 trabahador natukkol ti sakada iti itatapuakda iti trak

TAGUDIN, Ilocos Sur – Naitaray iti maysa nga ospital ditoy ti dua a trabahador gapu iti pannakatukkol ti saka ken imada idi timmapuakda iti agabante a trak a nagkarga kadagiti landok .

Nupay kasta, naireport a nasayaaten ti kasasaad da Celso Pimentel, 47, ken Durado Dupangpang, agpada a residente iti Poblacion West, Rizal, Nueva Ecija, trabahador iti construction firm a mangar-aramid iti rangtay iti boundary daytoy nga ili ken ti La Union.

Segun iti report, madama a warwarwaren dagiti dua ti tali a galut dagiti landok tapno maidiskargada idi kellaat nga immabante ti lugan a puon ti timmapuakanda.

Mapapati a saan a naikabil iti nuetral ti preno ken awan ti kalso iti pilid a nanglapped iti panagabante ti trak.#

Comments are closed.