Footer

Kalding, nagganak iti innem

STA. CATALINA, Ilocos Sur – Maysa a kalding a taraken ti maysa a mannalon iti Barangay Pangada ditoy nga ili ti naganak iti innem.

Iti report a dimmanon iti Tawid News, naammuan a naganak iti innem ti kalding a taraken ni Pablo Ragucos, residente iti nadakamat a barangay. Tallo a babbai ken tallo a lallaki dagiti annak ti ina a kalding ngem natay ti maysa kalpasan ti maysa nga aldaw, kuna pay ti report.

Kinuna ti akintaraken a dati laeng a dua ti yan-anak ti kaldingna.

Mapapati a ti Boer a kalding nga inwaras ti gobierno probinsial ti nangsemilia iti nasao nga ina.#

Comments are closed.