Footer

Lalaki, natiliw iti akto nga agtakaw

MAGSINGAL, Ilocos Sur – Maysa a lalaki ti natiliw iti akto a takawanna ti maysa a pagadalan a sakup ti Barangay Santa Monica ditoy.

Maisagsaganan ti kaso a frustrated robbery maikontra ken ni Benedicto Quitoriano, 38, naasawaan, residente iti Barangay Dean Leopoldo Yabes (Pug-os), Sinait, Ilocos Sur.

Nasiputan dagiti babbarito ti suspetsa a simrek iti Magsingal North Central School iti alas nuebe ti rabii, sana dinadael ti kandado ti ridaw ti stockroom.

Nagtaray ti suspetsa idi madlawna dagiti babbarito ngem kinamat dagitoy agingga iti naipiskotda.

Impaima dagiti babbarito ti suspetsa iti kapitan ti barangay a nangipan met iti daytoy iti police station.#

Comments are closed.