Footer

Municipal government, agpamula iti nyog

SAN ESTEBAN, Ilocos Sur – Kinuna ni Vice Mayor Mildred Elaydo a maigannuat ti panagpamulada iti ad-adu pay a nyog para iti pannakasustener ti programada a mangpadur-as iti daytoy nga industria ditoy nga ili.

Kinuna ti bise mayor a makitan ti napintas a bunga ti pannakaiyadal kadagiti kalugaranna ditoy nga ili iti panagaramid iti nata de coco, produkto manipud iti nyog agsipud ta addan dagiti agnegnegosio iti ilida.

Kabayatanna, naisayangkat ti training kadagiti lumugar ditoy para iti panagpartuat kadagiti nadumaduma a produkto manipud iti nyog.

Segun ken ni Elaydo, nangted da Cong. Eric Singson ken ti Department of Labor and Employment iti sag-P100,000 para ti pannakaisayangkat ti training.

Ti nyog ti one town one peoject daytoy nga ili.#