Footer

Narvacan mall, aglukaten

NARVACAN, Ilocos Sur – Mainaguraran ti kabangbangon a mall ditoy nga ili inton Marso, daytoy ti inwaragawag ni Mayor Edgardo Zaragoza.

“Mangnamnamakami a ti panaglukat ti mall a kukua ti LGU ditoy ti mamagkuti iti panagdur-as ti ilimi,” kinuna ni Zaragoza idinto nga inyunay-unayna a saan a profit-oriented ti nasao a mall ta kukua ti munisipio.

Kinuna ti mayor a saan unay a nangina ti renta iti tunggal stalls tapno maay-ayo dagiti negosiante nga agpuonan ditoy.

Saan laeng a daytoy nga ili ti mabenepisiaran iti panaglukat ti nasao a mall no di pay dagiti kaparangetna nga ili a pakairamanan dagiti umili ti Abra a masansan a sumalog ditoy, kinuna ni Zaragoza.#

Comments are closed.