Footer

Pasiente, timmapuak iti pasdek ti ospital, natay

BAGUIO CITY – Maysa a lalaki a pasiente ti natay kalpasan a timmapuak iti maikatlo a kadsaaran ti maysa nga ospital publiko ditoy siudad.

Segun iti report, timmapuak ni Roland dela Cruz iti third floor ti Baguio General Hospital a pakaag-agasanna kalpasan a nagsagaba iti mild stroke idi Marso 7 a puon ti ipapatayna.

Iti inisial nga inbestigasion dagiti polis, mapapati a linibasan ni dela Cruz ti bantayna, rimmuar iti kuartona sa timmapuak manipud iti maysa a bintana.

Naideklara a natayen ni dela Cruz idi maipan iti emergency room ti nasao nga ospital.#